Ymgyrch Digwyddiadau Busnes: Ysgogi Cyfle Uwchgynhadledd NATO 2014

Dydd Iau 16 Hydref 2014, 6pm – 8pm

Twenty Ten Clubhouse,

Gwesty Hamdden y Celtic Manor, Casnewydd

Mae’n bleser gan Westy Hamdden y Celtic Manor a Croeso Cymru eich gwahodd i ymuno â ni yn y digwyddiad unigryw hwn i ddysgu mwy am ymgyrch Gwaddol NATO Cymru,

Yn dilyn llwyddiant ysgubol Uwchgynhadledd NATO a’r sylw a gafodd Cymru yn ei sgil ar hyd a lled y byd, aeth Croeso Cymru ati’n ddiweddar i wahodd cyrff priodol i dendro ar gyfer datblygu a chynnal ymgyrch digwyddiadau busnes Gwaddol Uwchgynhadledd NATO ar y cyd â phartneriaid ledled Cymru.

Gwesty Hamdden y Celtic Manor a Rhwydwaith Twristiaeth Busnes De-ddwyrain Cymru sydd wedi ennill y contract i gynnal yr ymgyrch hon, a bydd y noson rwydweithio yn rhoi cyfle i bartneriaid o bob cwr o Gymru gael gwybod sut i gymryd rhan yn yr ymgyrch a chodi ymwybyddiaeth am Gymru fel cyrchfan busnes ar gyfer cyfarfodydd, cynadleddau a digwyddiadau.

Bydd Mari Stevens, Dirprwy Gyfarwyddwr Marchnata Croeso Cymru yn cyflwyno’r cyfleoedd i gydweithio sydd ar gael yn dilyn NATO, a’r dymuniadau ynghylch marchnata digwyddiadau twristiaeth busnes Cymru yn y dyfodol.

Bydd Ian Edwards, Prif Swyddog Gweithredu a Vanessa Russell, Cyfarwyddwr Marchnata Gwesty Hamdden y Celtic Manor yn trafod nodau’r ymgyrch gwaddol mewn mwy o fanylder.

Gobeithio y bydd y partneriaid o bob cwr o Gymru’n deall mor werthfawr yw ymgyrch o’r fath. Er mwyn sicrhau y bydd cymaint â phosibl yn dod, bydd gwely a brecwast ar gael yn y Celtic Manor am £75 y noson fesul ystafell. Mae’r cynnig ar gael i bartneriaid o’r diwydiant sydd eisiau llety dros nos yn dilyn y digwyddiad.

Cofiwch, mae nifer yr ystafelloedd sydd ar gael am y pris hwn yn brin felly rhoddir blaenoriaeth i’r rheini sy’n dod yno o’r tu allan i ardal De Cymru.

Rhaglen

6.00pm Cyrraedd a derbyniad

6.30pm Croeso a chyflwyniadau

7.30pm Cyfleoedd i rwydweithio

8.00pm Cloi

RSVP erbyn dydd MERCHER 8 Hydref i:

Laurie Keirle

E: lkeirle@celtic-manor.com

Ff: 01633 410530